Follow us on:

Biografia




Astrit Zemaj u lind më 8 qershor 1974 në Strellc të Epërm të komunës së Deçanit.


Studimet themelore dhe pasdiplomike për ekonomik dhe menaxhim, si dhe marrëdhënie ndërkombëtare i kreu në Kosovë dhe Gjermani.


Në tetor të vitit 2009, Astrit Zemaj  iu bashkua shërbimit diplomatik dhe konsulor të Republikës së Kosovës dhe u emërua Konsul i Republikës së Kosovës në Frankfurt (Gjermani). Nën drejtimin e tij, në vitin 2009 është themeluar dhe konsoliduar me sukses Konsulata e parë e Republikës së Kosovës në Frankfurt, në të cilën ai ka ushtruar funksionin e Shefit të Misionit Konsullor deri në nëntor të vitit 2015. Nga nëntori 2015, ai është transferuar në Ambasadën e Republikës së Kosovës në Berlin, në pozitën e zv.Ambasadorit.


Në muajin dhjetor 2017, ai është emëruar " I ngarkuar me punë i përkohshëm(Chargés d'affaires ad Interim)" në krye të Ambasadës së Republikës së Kosovës në Gjermani.


Gjatë viteve të nëntëdhjeta, Astrit Zemaj është angazhuar aktivisht në proceset politike dhe ushtarake për lirinë dhe pavarësinë e Kosovës. Pas përfundimit të luftës në Kosovë, Zemaj ka ka marrë pjesë në operacionet stërvitëse të forcave të SHBA-ve dhe të NATO-s, në kuadër të misioneve paqeruajtëse për Kosovën.


Në vitin 2013 ka botuar librin me titull: "Legjitimiteti i intervenimit humanitar ushtarak në Kosovë". Libri është promovuar në New York dhe në Frankfurt, dhe për ketë në vitin 2014 nga ana e Kolegjit Monroe në New York të SHBA-së është nderuar me qmimin prestigjioz "Nderi i Kolegjit Moroe" .


Ndersa në vitin 2017 ka botuar librin e dytë " Evropa në udhëkryq-Lindja dhe ngritja e Rajhut të Tretë në Gjermani, 1918-1939 ", i cili është një studim i vetëm i këtj lloji në gjuhën shqipe rreth gjendjes në Gjermani nga këndvështrimi politik, diplomatik, ushtarak dhe ekonomik, ndërmjet dy lutërave botërore, 1918-1939.


Përveç gjuhës amëtare - Shqipe, Astrit Zemaj flet dhe e shkruan rrjedhshëm edhe gjuhën angleze, atë gjermane, si dhe atë serbo-kroate.


Në kuadër të shërbimit të jashtëm,  jeton dhe punon në Berlin të Gjermanisë së bashku me familjen. Është i martuar dhe ka katër femijë, tri vajza dhe një djalë